ერთ წლიანი სრულად დაფინანსებული პროგრამა ამერიკაში

გაითვალისწინეთ: პროგრამა არის კვალიფიკაციის ასამაღლებელი და პროფესიული ქსელის გასაფართოებელი, ის არ ანიჭებს აკადემიურ ხარისხს (Non-degree).

 ვის შეუძია მონაწილეობის მიღება:

პროგრამა განკუთვნილია კარიერის შუა ფაზაში მყოფი ლიდერებისთვის (Mid-career professionals), რომლებსაც აქვთ საჯარო სამსახურის/საზოგადოებრივი საქმიანობის გამოცდილება და განვითარების მაღალი პოტენციალი.

ძირითადი კრიტერიუმები:

-საქართველოს მოქალაქეობა და ქვეყანაში მიმდინარე რეზიდენტობა (ამჟამად დასაქმებული უნდა იყოთ საქართველოში).

-ბაკალავრის (ან მასთან გათანაბრებული 4-წლიანი) აკადემიური ხარისხი.

-მინიმუმ 5 წლის სრული სამუშაო გამოცდილება ბაკალავრის ხარისხის მიღების შემდეგ (2026 წლის აგვისტომდე).

-მენეჯერული, მმართველობითი ან პოლიტიკის შემუშავების პასუხისმგებლობები სამსახურში.

-ინგლისური ენის ცოდნა: მინიმალური ქულა – TOEFL (72), Duolingo (100) ან IELTS (6.0). ნომინირებულ კანდიდატებს ოფიციალური TOEFL-ის ტესტის ვაუჩერი უფასოდ გადაეცემათ.

მიმართულებები (Fields of Study)

აპლიკანტი უნდა მუშაობდეს და სტიპენდიას ითხოვდეს შემდეგი სფეროებიდან ერთ-ერთში:

-მედია და ჟურნალისტიკა (Communications and Journalism) – საგამოძიებო ჟურნალისტიკა, ციფრული მედია, საზოგადოებასთან ურთიერთობა (PR).

-კანონი და მმართველობა (Law and Governance) – იურისტები, მოსამართლეები, სამართალდამცავები, ადამიანის უფლებების და კორუფციასთან ბრძოლის სპეციალისტები.

-ბუნებრივი რესურსების პოლიტიკა (Natural Resources Policy) – ენერგეტიკა, კრიტიკული მინერალები, წყლის რესურსები, სოფლის მეურნეობა და სასურსათო უსაფრთხოება.

-საჯარო და ეკონომიკური პოლიტიკა (Public and Economic Policy) – ვაჭრობა, ინვესტიციები, ფისკალური პოლიტიკა, განათლების ადმინისტრირება, საჯარო სექტორის მენეჯმენტი.

-ჯანდაცვის პოლიტიკა და მენეჯმენტი (Public Health Policy and Management) – ინფექციური დაავადებების პრევენცია, საზოგადოებრივი ჯანდაცვის რისკების მართვა, კლინიკური მენეჯერები.

-ტექნოლოგიების პოლიტიკა და მენეჯმენტი (Technology Policy and Management) – კიბერუსაფრთხოება, ხელოვნური ინტელექტი, მონაცემთა მართვა (Data Governance), ციფრული ინფრასტრუქტურა.

რა ფინანსდება?

-პროგრამა არის სრულად დაფინანსებული (Fully Funded) აშშ-ის მთავრობის მიერ და ფარავს:

-საერთაშორისო მგზავრობის (ავიაბილეთების) ხარჯებს.

-სწავლის საფასურს მასპინძელ უნივერსიტეტში.

-ყოველთვიურ სტიპენდიას (ცხოვრების, კვებისა და მიმდინარე ხარჯებისთვის).

-ჯანმრთელობის დაზღვევას.

-წიგნებისა და პროფესიული განვითარების ერთჯერად შემწეობას.

როგორ უნდა შევიტანოთ განაცხადი (საჭირო დოკუმენტები)
განაცხადი ივსება ონლაინ, სპეციალურ სისტემაში: https://apply.iie.org/huberthhumphrey

აპლიკაცია უნდა შეიცავდეს:

შევსებულ სააპლიკაციო ფორმას (ესეები უნდა იყოს დაწერილი ინგლისურად, ამომწურავად).

ორი სარეკომენდაციო წერილი ინგლისურ ენაზე (ერთი აუცილებლად მიმდინარე დამსაქმებლისგან).

აკადემიური ტრანსკრიპტები (ნიშნების ფურცელი) ინგლისურ ენაზე ბაკალავრის ხარისხისთვის. (სხვა შემდგომი ხარისხების შემთხვევაში – მაგისტრატურა/დოქტორანტურა – საჭიროა მხოლოდ დიპლომები).

საქართველოში მინიმუმ 5 წლის მუშაობის დამადასტურებელი საბუთი (ცნობა სამსახურიდან ინგლისური თარგმანით).

დეტალური CV (რეზიუმე) ინგლისურ ენაზე.

პასპორტის ბიომეტრიული გვერდის ასლი.

კითხვების შემთხვევაში, აპლიკანტებს შეუძლიათ მიწერონ აშშ-ის საელჩოს: TbilisiExchanges@state.gov