კორეის უნივერსიტეტი (სეული) აცხადებს კონკურსს სამაგისტრო სტიპენდიების მოსაპოვებლად SK Global Scholarship პროგრამით. სტიპენდია სრულად ფარავს 2-წლიან მაგისტრატურას ფიზიკის, საინფორმაციო ტექნოლოგიების, ხელოვნური ინტელექტის, ელექტრული და კომპიუტერული ინჟინერიის მიმართულებით.
სტიპენდიის მოცულობა
- დაზღვევა სრულად;
- კორეული ენის გაკვეთილები − სრულად;
- სწავლის გადასახადი − 7,4 მილიონი სამხრეთ კორეული ვონი (KRW);
- მგზავრობის ხარჯები − 3 მილიონი სამხრეთ კორეული ვონი (KRW);
- ყოველთვიური სტიპენდია − 1.5 მილიონი სამხრეთ კორეული ვონი (KRW).
მობილობის პერიოდი
- კორეული ენის გაკვეთილები − 1 თვე (არასავალდებულო);
- სამაგისტრო პროგრამა − 2 წელი (4 სემესტრი).
კონკურსში მონაწილეობის პირობები:
- კანდიდატი უნდა იყოს აღმოსავლეთ ევროპის რომელიმე ქვეყნის მოქალაქე;
- დამთავრებული უნდა ჰქონდეს ბაკალავრიატი;
- უნდა ფლობდეს კორეულ ან ინგლისურ ენას (დეტალურად იხილეთ აქ);
- კანდიდატს უნდა ჰქონდეს მშობლიური უნივერსიტეტის რეკომენდაცია.
განაცხადების მიღების ბოლო ვადა: 2024 წლის 31 ოქტომბერი
დეტალური ინფორმაცია იხილეთ ბმულზე: https://graduate2.korea.ac.kr/scholarship/skscholarships.html
