აშშ-ის საელჩო საქართველოში აცხადებს ყოველწლიურ კონკურსს Fulbright Visiting Scholar Program-ზე 2027-2028 აკადემიური წლისთვის. ეს არის ამერიკის შეერთებული შტატების მთავრობის ერთ-ერთი ყველაზე პრესტიჟული საერთაშორისო აკადემიური გაცვლითი პროგრამა.
პროგრამა ითვალისწინებს 3-დან 6 თვემდე პერიოდით აშშ-ის წამყვან უნივერსიტეტებსა და კვლევით ცენტრებში პოსტსადოქტორო კვლევების ჩატარებას ან ლექციების წაკითხვას.
დაფინანსება (100% სრული):
-აშშ-ში მგზავრობის სრული დაფარვა (ორმხრივი ავიაბილეთი);
-ყოველთვიური სტიპენდია ცხოვრებისა და საცხოვრებლის ხარჯებისთვის;
-სამედიცინო დაზღვევა;
-პროფესიული განვითარებისა და კვლევითი საქმიანობის მხარდაჭერა.
მთავარი მოთხოვნები კანდიდატებისთვის:
-მოქალაქეობა: აპლიკანტი უნდა იყოს საქართველოს მოქალაქე.
-აკადემიური ხარისხი: აუცილებელია დოქტორის (Ph.D.) ხარისხი შესაბამის სფეროში ან მაგისტრის ხარისხი ევროპული/ამერიკული უნივერსიტეტიდან.
-გამოცდილება: მინიმუმ 5-წლიანი სამეცნიერო ან პედაგოგიური გამოცდილება საქართველოს უმაღლეს სასწავლებელში ან კვლევით დაწესებულებაში.
-ენის ცოდნა: ინგლისური ენის მაღალ დონეზე ფლობა (TOEFL-ის ან სერთიფიკატის წარდგენა სავალდებულო არ არის).
პრიორიტეტული სფეროები:
პროგრამა ღიაა თითქმის ყველა დისციპლინისთვის, მათ შორის: ბიზნესის ადმინისტრირება, სამართალი, ეკონომიკა, IT და საინფორმაციო მეცნიერებები, ინჟინერია, მედიცინა და საზოგადოებრივი ჯანდაცვა, განათლება, პოლიტიკის მეცნიერებები, ჟურნალისტიკა, აგრარული მეცნიერებები, გარემოს დაცვა და სხვა.
ვადები და განაცხადის პროცესი:
განაცხადის წარდგენის დედლაინი: 2026 წლის 22 ნოემბერი, 17:00 საათი (თბილისის დროით).
ინტერვიუები: შერჩეული კანდიდატების გასაუბრება გაიმართება 2026 წლის დეკემბერში.
აპლიკაციის შევსება ხდება ონლაინ პორტალზე. დეტალური ინსტრუქცია და რეგისტრაცია იხილეთ აშშ-ის საელჩოს ოფიციალურ გვერდზე.