თურქეთის სახელმწიფო სასტიპენდიო პროგრამა აცხადებს სასტიპენდიო კონკურსს საქართველოს მოქალაქეებისთვის. თურქეთის სასტიპენდიო პროგრამის ფარგლებში, საერთაშორისო სტუდენტებსა და მკვლევარებს ეძლევათ საშუალება, ჩაირიცხონ თურქეთის პრესტიჟული უნივერსიტეტების ბაკალავრიატის, მაგისტრატურის, დოქტორანტურისა და მაძიებლის პროგრამებზე;
სტიპენდია სრულად დაფარავს თურქეთში სწავლის, საცხოვრებლის, დაზღვევის ხარჯებს. ასევე გამარჯვებულები მიიღებენ ყოველთვიურ სტიპენდიებს 1000 TL – ბაკალავრიატი, 1,400 TL მაგისტრატურა, 1,800 TL სადოქტორო.
თურქეთის სასტიპენდიო პროგრამა წარმოადგენს მსოფლიოს ერთ-ერთ ყველაზე მასშტაბურ საგანმანათლებლო პროექტს, რომლის ფარგლებშიც, სხვადასხვა უნივერსიტეტის სასწავლო პროგრამებზე ჩარიცხული სტუდენტები უზრუნველყოფილ არიან:
⚪️ ყოველთვიური სტიპენდიით
⚪️ სწავლის საფასურის უზრუნველყოფით
⚪️ ჯანმრთელობის დაზღვევით
⚪️საერთო საცხოვრებლით
⚪️ თურქული ენის შემსწავლელი კურსებითა და ორმხრივი სამგზავრო ბილეთით.
🔸 აგრეთვე, მათ ეძლევათ აკადემიურ და კულტურულ პროგრამებში მონაწილეობის შესაძლებლობება;
2022 წელს სასტიპენდიო პროგრამის განაცხადები მიიღება 2022 წლის 10 იანვრიდან 20 თებერვლამდე, ონლაინ რეჟიმში, ყოველგვარი საფასურის გადახდის გარეშე შემდეგ ელ. მისამართზე: tbbs.turkiyeburslari.gov.tr .
დამატებითი ინფორმაცია იხილეთ სტიპენდიის შესახებ იხილეთ ბმულზე.
