საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) აცხადებს კონკურსს 2022 წლის ხანმოკლე სასწავლო პროგრამაში “მონაწილეობითი პოლიტიკა და ეროვნული უმცირესობები” მონაწილეთა შესარჩევად.

4-დღიანი სასწავლო კურსის მიზანია ხელი შეუწყოს ეროვნული უმცირესობების პოლიტიკური და სოციალური ჩართულობის გაზრდას, პოლიტიკური პარტიების წარმომადგენლებთან ეროვნული უმცირესობების მონაწილეობის თემაზე დისკუსიას, ცოდნის ამაღლებას და დემოკრატიული მმართველობის პრინციპების მხარდაჭერას.

პროგრამის მონაწილეთა სასტუმროს, კვებისა და ტრანსპორტირების ხარჯებს უზრუნველყოფს რონდელის ფონდი.
მონაწილეობის მიღება შეუძლიათ თბილისსა და საქართველოს რეგიონებში მცხოვრებ სხვადასხვა ეთნიკური ჯგუფის წარმომადგენელ 18-დან 28 წლამდე აქტიურ ახალგაზრდებს.

შერჩევის პროცესი: დაინტერესებულ პირებს ვთხოვთ გამოაგზავნონ შევსებული სააპლიკაციო ფორმა შემდეგ მისამართზე: apply@gfsis.org;

ელფოსტის საგანში გთხოვთ მიუთითოთ პროექტის დასახელება

განაცხადის მიღების ბოლო ვადაა: 4 ნოემბერი, 2022 წელი

შერჩეულ კანდიდატებს ჩაუტარდებათ გასაუბრება.
დამატებითი ინფორმაციისთვის მიმართეთ პროგრამის კოორდინატორს – სოფი ბოკუჩავას: ტელ: 2 47 35 55; ელ. ფოსტა: sbokuchava@gfsis.org

დეტალური ინფორმაციისთვის გადადით ბმულზე: https://gfsis.org.ge/ge/events/announcement/view/1504
✉️სააპლიკაციო ფორმა: https://gfsis.org.ge/…/II.%20Application%20Form%20…

პროექტს საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) ახორციელებს ეროვნული უმცირესობის საკითხებში ეუთოს უმაღლესი კომისრის ოფისთან პარტნიორობით (OSCE HCNM).