ქალები ვიკიპედიაში — ვიკიმედიის მომხმარებელთა საქართველოს ჯგუფის ყოველწლიური კონკურსი. კონკურსის მიზანია ქართულ ვიკიპედიაში ქალების შესახებ სტატიების რაოდენობის, ასევე სტატიების საერთო რიცხვის გაზრდა.
 
გენდერული ბალანსის მიღწევა და მისი დაცვა „ფონდ ვიკიმედიის“ პრიორიტეტს წარმოადგენს, რაც აგრეთვე წარმოადგენს „ვმ საქართველოს“ პრიორიტეტს.
 
კონკურსი გაიმართება ქართულ ვიკიპედიაში. ვიკიპედიაში მონაწილეებს შეუძლიათ შექმნან სტატიები ნებისმიერი ქალის შესახებ. მინიმალური შეფასება იქნება 1 ქულა, ხოლო მაქსიმალური – 5 ქულა.

 

სტატია უნდა იყოს მხოლოდ ქალების შესახებ, დაწერილი 2022 წლის 8 თებერვლიდან 2022 წლის 8 მარტის ჩათვლით და უნდა შედგებოდეს (მინიმუმ) 3 000 ბაიტისა და 300 სიტყვისაგან.

 

„ვიკიმედია მომხმარებელთა საქართველოს ჯგუფი“ კონკურსში მიღებული ქულების რაოდენობით გამარჯვებულ მონაწილეებს (ხუთი საპრიზო ადგილი) დააჯილდოებს შემდეგი პრიზებით:
 
1st პირველი ადგილი : ტაბლეტი Chuwi HiPad Air
2nd მეორე ადგილი : მიკროტალღური ღუმელი MIDEA – MM720CAA
3rd მესამე ადგილი : ბლენდერი ADLER AD4076
4 მეოთხე ადგილი : ყავადანი ADLER AD4407
5 მეხუთე ადგილი : უსადენო ყურსასმენები HOCO ES34 TWS Earbuds

 

სპეციალური პრიზი

ბაღდათის მუნიციპალიტეტის გენდერული თანასწორობის საბჭო 300 ლარის ოდენობით ფულად პრიზს გადასცემს ბაღდათში დაბადებულ ქალებზე საუკეთესო სტატიის ავტორს, რომელსაც ჟიური გამოავლენს.

 

დამატებითი ინფორმაცია და კონკურსის პირობები იხილეთ ბმულზე.

 

წყარო:ქართული ვიკიპედია