TRC აცხადებს კონკურსს დავით ჭოჭუას სახელობის სტიპენდიის მისაღებად.სასტიპენტიო კონკურსში მონაწილეობის მისაღებად, ჩვენ მივესალმებით განაცხადებს სოციალური და პოლიტიკური მეცნიერების მე-3, მე-4 კურსის ბაკალავრიატის, მაგისტრატურის აკადემიურ საფეხურზე მყოფი ან უკვე მაგისტრის ხარისხის მქონე სტუდენტებისგან. ასევე, ვიწვევთ კვლევით ორგანიზაციებსა და Think Tank-ებში დასაქმებულ ახალგაზრდა ანალიტიკოსებსა და მკვლევრებს.
დავით ჭოჭუას სახელობის სასტიპენდიო კონკურსში მონაწილეობის მისაღებად, აუცილებელია გამოაგზავნოთ საკვლევი თემის აბსტრაქტი, თქვენი რეზიუმე (მაქსიმუმ 2 გვერდი) და წარსულში შესრულებული არანაკლებ 2 ნაშრომი (სტატია, რეფერატი, კვლევა, ა.შ.) ქართულ ან ინგლისურ ენაზე, შემდეგი ელ. ფოსტის მისამართზე: trc@gcsd.org.ge
განაცხადების მიღება 2022 წლის, 20 სექტემბრის, 18:00 საათამდე გაგრძელდება. განაცხადის გამოგზავნისას, გთხოვთ, სათაურის ველში მიუთითოთ – Chochua Fellowship 02/2022. არასრულად გამოგზავნილი განაცხადები არ განიხილება. სტიპენდიანტი ნაშრომზე მუშაობას 2022 წლის, 30 სექტემბერს დაიწყებს, კვლევის დასრულების ვადა კი ამავე წლის 31 ოქტომბრით განისაზღვრება.
სტიპენდიის ოდენობა 600 ლარს შეადგენს.
თემატური საკვლევი მიმართულებები:
- ტერორიზმთან დაკავშირებული საფრთხეების ზრდა აფრიკაში: კონგოს დემოკრატიული რესპუბლიკა / სომალი / მალი / ნიგერია / ჩადი / კამერუნი / ნიგერი / ბურკინა-ფასო;
- უცხოელი ტერორისტი მებრძოლების და მათთან დაკავშირებული პირების რეაბილიტაციის და რესოციალიზაციის პოლიტიკა ცენტრალურ აზიაში: ყაზახეთი / ყირგიზეთი / ტაჯიკეთი / თურქმენეთი / უზბეკეთი;
- ნატო-ერაყის ურთიერთობები 2018 წლიდან: კონტრტერორისტული თანამშრომლობის შედეგების შეფასება;
- „ქბრბ“ მასალების გამოყენებით განხორციელებული ტერორისტული თავდასხმები: რისკები, გამოწვევები და გამკლავების გზები;
- რუსული ულტრამემარჯვენე და ნეონაცისტური ჯგუფების მოქმედება ქვეყანაში და მის გარეთ;
- ვაგნერის დაჯგუფება: ოპერირება უკრაინაში / აფრიკაში / აღმოსავლეთ ევროპაში / მთიან ყარაბაღში.
დამატებითი ინფორმაცია და განაცხადის ფორმა იხილეთ ბმულზე.
